<?xml version="1.0" encoding="UTF-8"?><song><author>Alfred Wright</author>
<aka>Love for Christ</aka>
<lyrics>[V1]
 Okchalinchi holitopa
 Ʋba pi̱ Mi̱ko ma!
 Pishno ʋt e chi haklo kʋt
 Pim achuku̱kmʋshke.

[V2]
 Chisʋs ma! Chi hohchifo kʋt
 Pi̱ holitopa kʋt
 Nana inla moyuma ka
 Pim i̱ shaiyahlishke.

[V3]
 Yakni paknaka ilʋppa
 Il anta ta̱kla kʋt,
 Chisʋs a̱ anukfihinlit
 Il a̱shwa hi oke.

[V4]
 Yohmikma nitak atukmʋt
 Pin taiyaha hokmʋt
 Pin Chisʋs a̱ ahninchi hosh
 Hʋp illi pullashke.

[V5]
 Mikmʋt shutik tʋbokaka
 Ont il anta hokmʋt,
 Chisʋs aiasha itikba
 Ont e hiela he.

[V6]
 Enchil holitopa moma
 Ai itiba fokʋt,
 Chisʋs a̱ il ahninchi na
 Bilia hi oke.</lyrics>
<title>Okchalinchi holitopa ƲIT61</title>
<time_sig>C.M. (8.6.8.6.)</time_sig>
<hymn_number>61</hymn_number>
</song>